واى فاى

 



نصائح شراء الاندر ويرز
اولا : الاندر

يعنى الاندر تبقى خامته مش اد كدا
مع ان ممكن يبىقى شكله حلو وجميل ونشترى بالدست وابو بلاش كتر منه

لا
مينفعش


ازاى تسترخصى فى الحاجات الخاصة دى ياحبى خاصة
الاندر بيتلبس فى مكان حساس جدا جدا
يعنى لازم يبقى خامته انضف من اى حاجة تانية انتى بتلبسيها


يبىقى كدا اتفقنا على اول نقطة اننا مش هنسترخص


تانى نقطة

اية الماركات النضيفة فى الاندرات

لاسو بتعمل اندرات قطن تحفة وشكلها رقيق اوى
قطونيل غنى عن التعريف طبعا شكل وخامة
فانيلا وميلك خامتهم ناعمة ومفيش اطرى ولا اجمل من كدا

دول من انضف ماركات الاندرات واحسن الخامات والاشكال
معلش هما سعرهم غالى شوية

بس حاجة نضيفة هتحافظ على مكانك الخاص من لالتهابات والحساسية وان البكتيريا تعمل اى ريحة مش كويسة
او ريحة العرق
وصحيح بلاش تجيبى الاندرات الكارينا
جيبى منهم 2 للبريود بس
لكن كاستخدام مستمر لا لا لا
عشان مهما كان خامات صناعية مش قطن صافى



المقاس

طبعا الاندرات مش بتتقاس فى المحل
ومش ينفع تجيبى المقاس بالشبة
عشان ممكن يبقى شكله صغير وهو يبقى مناسب ليكى او العكس

فانتى زى الشطورة هتشوفى انسب مقاس اندر عندك فى البيت
وهتقيسى كام شبر او كام سم
واما تروحى المحل هتقيسى الوسط بتاع الاندر


طبعا فى بنات بيبحبو يبينو انهم رفيعين او يبيبنو رفعهم زيادة
فتجيبى الاندر اصغر شوية
عشان يلم المسائل
وطبعا دة غلط
هما عملو مقاسات لية
مش عشان تجيبى مقاسك
ولا عشان تاخدى الاصغر منه !!!!

اما بتجيبى مقاس صغير عن مقاسك بيحصل الاتى:

لو انتى رفيعة هتبانى تخينة
عشان هيبرز عندك اى ترهل فى منطقة الوسط ولااجناب
هيقسم بطنك نصين يعنى تخيلى لو انتى اصلا معندكيش بطن انتى ممكن تظهرى ان عندك بطن بالاندر اللى لبستيه

طيب اما تجيى تشترى كعروسة
تشترى اد اية

يكفى دستة ونص اندرات قطن حلوين اوى
او دستتين هيبقو تمام اوى


الاندرات بتاعة القمصان

طبعا كل قميص الحمد لله مع الاندر بتاعه
بس فى قمصان مش معاها اندر وفى الوان قمصان مش هتعرفى تلاقيلهم لون الاندر المناسب
سعتها هتجيبى اندر بيج فاتح لون الجسم
هاتى اتنين
هيبان تحت القميص انه لون جسمك
وهاتى اسود واحمر وابيض
يبقو عندك بشكل اساسى عشان بيتلبسو على اغلب القمصان


نيجى للبراهات

بالنسبة ليكى كعروسة
طبعا انا ضد انك تجيبى 24 برا مثلا
خاصة لو بتعانى من صغر حجم الصدر
لية بقى؟؟
عشان بعد الجواز المسائل عندك حجمها هتتغير خاصة بقى بعد الحمل ولارضاعة ممكن صدرك يكبر
وفى ناس كتير صدرها بيكبر بعد ماكان صغير
فمقاس البرا الله اعلم بيه بعد الجوازهيبىقى اية
فبالتالى هتجيبى

6 اطقم براهات بالاندرات بتاعتهم

وطبعا خلى بالك ان الالوان تبقى متناسقة مع الالوان اللى غالبة عندك فى القمصان وغيره

و2 برا كدا لوحدهم اسود ولون تانى دة ممكن تخليهم للخروج

وهتجيبى 4 براهات قطن قطن مش كارينا اللى بيرهل الصدر وبيوزه

عشان تلبسيه وانتى بتعملى رياضتك او بتنضفى الشقة عشان عضلات صدرك مش تترهل



ونداء اخر الى اصحاب القلوب الرحيمة
هههههههههههههههههه

بلاش تسترخصو فى دول بالذات
بلاااااااااااااااااش
دول بيتسخدمو فى اهم معالمك كانثى
تخيلى انك حاطة قطعة ماس فى كيس بلاستيك
الناس هتقول عليكى اية؟؟؟
مجنونة طبعا

طبعا هو ماس بالنسبة لجوزك مش بالنسبة ليكى انتى
هههههههههههههههههههه

فلازم يبقى شكل الصدر مظبوط وشكله حلو فى اللبس
وطبعا خامته تكون ناعمة ونضيفة عشان تحافظى عليه
والبرا النضيفة بتفرق معاكى فى شكل صدرك 180 درجة


طيب ازاى تشترى المقاس المناسب
طبعا بما اننا اتفقنا انك هشتترى حاجة نضيفة
يبقى هتلاقيهم فى المحلات النضيفة بردوة
اللى هتقيسى فيها البرا
عندك كام نوع برا

عندك النوع الاوربى


والبرهات دى هتلاقيها فى التوكيلات اللى فى المولات زى سيتى ستارز
وفى البراهات بتاعة جويا ووغيرها من المحلات الكبيرة


البرا السورى
طبعا انا من عشاق اى حاجة سورى
فالبرا السورى له معزة خاصة عندى
اولا بيقعد معاكى سنين ميحصلش فيه خدش اكنك لسة شاريه امبارح
نضيف جدا جدا
خامة متتوصفش ولون ثابت
فيى منه ماركات مختلفة
فى ايلين وفيى اسيل وفى ماركات تانية بس دول اللى جربتهم منه

دول بوش اب وحلوين جدا جدا هينفعو خاصة مع الناس اللى صدرهم كبير شوية


وفى المتبطن هينفع مع الناس اللى صدرهم صغير شوية

هتقدرى تقسيهم فى المحل وتخدى المقاس الللى لامم صدرك كله ومناسب لمحيط ضهرك

معلش هما غاليين شوية بس حاجة تقعد معاكى سنين مش يحصلها حاجة

مش تلاقى حمالته طارت منك وانتى ماشية فى الشارع او كل شوية تقفى فى المرايا تظبطى وترفعى هنا وتنزلى هنا

اكنى بتوزنى كيلوخيار
هههههههههههههه

البرا التركى
نزلت جديد وهى قريبة من السورى
بس انا صراحة مجربتهاش بس هى نضيفة بردوة

برا لاسو
لاسو براهتها جميلة جدا
وفى منه الاطقم الكاملة
وفى البرا لوحده
كلهم حلوين وفي كل المقاسات

خاصة فى برا جربته حمالاته وضهره شفاف
دة حلو اوى وعملى فى قمصان النوم
وبيخلى شكل الصدر زى هيفا كدا مرفوع ومضموم وملموم
فبيبقى رااااائع بمعنى الكلمة
ودة جميل كمان تحت فستان الفرح عشان بيرفع الصدر جدا وبيبقى ثابت

الشورتات

طبعا افضل شورتات هى كارينا
الشورتات القطن بتبقى مش حلوة عشان بتلولو معاكى وسعتها هتزودلك السيلوليت
وتسببلك لاتهابات
الكارينا بيلم الترهل بين الفخدين وبيخلى شكل رجلك انسيابى
ويحميكى من الالتهابات
وطبعا بتبقى لابسة تحته الاندر القطن


 
Top